गोकर्णेश्वर नगरपालिकाको क्वारेन्टाइन तयारी अवस्थामा

गोकर्णेश्वर नगरपालिकाले सहयोगी उच्च माध्यमिक बिद्यालय र ओख्रेनी माध्यमिक बिध्यालयलाइ नगरले क्वारेन्टाइन स्थलको रुपमा प्रयोग गर्नको लागि सम्पूर्ण तयारी पुरा गरिएको जनाएको छ । नगरपालिकाले बाह्य देश तथा बाहिरि जिल्लाबाट नगरमा आएका ब्यक्तिहरुलाई क्वारेन्टाइनमा राख्नको लागि सो तयारी गरेको हो।
यस्तै नगरमा कोरोना संक्रमण संग मिल्ने समस्या देखिएमा तत्कालै क्वारेन्टाइनमा राख्ने पनि योजना बनाएको छ।क्वारेन्टाइन व्यवस्थापनमा नगरपालिकामा गठन गरिएको स्वयं सेवक नगर प्रहरी कर्मचारीहरुले सहयोगी भूमिका खेलेका थिए।क्वारेन्टाइनमा हुनुपर्ने बेसिक कुरा पुरा हुनेगरी क्वारेन्टाइन तयार पारिएको छ। संक्रमित देशबाट फर्किएका स्थानीयलाई १४ दिनसम्म क्वारेन्टाइनमा राखेर कोरोना परिक्षण पश्चात घर फर्काइने जनाइएको छ ।