गोकर्णेश्वर नगरपालिकाले गर्यो यातायात मजदुरहरुलाई राहत वितरण

काठमाडौँ ।
गोकर्णेश्वर नगरपालिका वडा नम्वर ८ ले यातायात मजदुरहरुलाई राहत प्रदान गरेको छ। लकडाउनका समय सरकारले दैनिक ज्यालादारी मजदुर, विपन्न र गरिवका लागि राहत वितरण गर्ने निर्णय गरेको भए पनि राहतका लागि तयार गरिएका अव्यवहारिक मापदण्ड र कतिपय स्थानिय जनप्रतिनिधिहरुको असहयोगका कारण अधिकांश यातायात श्रमिकहरुले सरकारको सहयोग प्राप्त गर्न नसकेको गुनासो आइरहेको बेलामा गोकर्णेश्वर नगरपालिका वडा नम्वर ८ ले यातायात मजदुरहरुलाई पनि राहत प्रदान गरेको हो ।

वडाले बिहिबार नेपालय इंगलिस पब्लिक स्कुलको परिसर बाट करिब ७८ जना यातायात मजदुरहरुलाई राहत वितरण गरेको हो ।उक्त कार्यक्रममा नगर प्रमुख सन्तोष चालिसे, गोकर्णेश्वर नगरपालिका प्रवक्ता एबम वडा नं ८का वडा अध्यक्ष मनोजकुमार ढुंगाना, वडा सदस्य नन्दलाल श्रेष्ठ , नेपालय इंगलिस पब्लिक स्कुलका म्यानेजिंग डायरेक्टर बुद्द श्रेष्ठ, समाजसेवी दिपेन्द्र सेन्चुरी लगायतको उपस्थिति रहेको थियो ।