सिडिसिएद्धारा वडा नं. १३ लाई पिपिई तथा मास्क हस्तान्तरण

काठमाडौँ ।
बाल अपांग टेवा संस्था (सिडिसिए) ले बूढानीलकण्ठ नगरपालिका वडा नम्वर १३ लाई पिपिई तथा मास्क हस्तान्तरण गरेको छ ।
बिहिबार वडा कार्यालय चुनिखेल पुगि सिडिसिएका अध्यक्ष डेण्डी शेर्पाले वडाअध्यक्ष श्रीकृष्ण श्रेष्ठलाई पिपिई तथा मास्क हस्तान्तरण गरेका हुन् ।

वडा नम्वर १३ मा सञ्चालनमा रहेको एम्बुलेन्स चालकलाई केन्द्रित गरेर वडाले सिडिसिएसंग पिपिई माग गरिएको र सोही अनुसार अध्यक्ष शेर्पाले निःशुल्क पिपिई तथा मास्क प्रदान गर्नुभएको वडाअध्यक्ष श्रीकृष्ण श्रेष्ठले बताए । यसका लागि सामाजिक संस्था सिडिसिएलाई धन्यवाद व्यक्त गर्दछु श्रेष्ठ भन्छन् ।

वडालाई ४ थान स्तरिय पिपिई र १०० पिस मास्क प्रदान गरिएको अध्यक्ष शेर्पाले बताए ।
यस्तै सिडिसिएले बन्दाबन्दीको समयमा पनि ३ सयभन्दा बढी अशक्त व्यक्तिहरुको परिवारलाई खाद्यान्न तथा वडा नम्वर ११ लाई पिपिई तथा मास्क वितरण गरेको थियो ।