सलमानले आफ्नो सबै रेकर्ड तोडे

इदको अवसर पारेर जुन ६ देखि प्रदर्शनमा आएको सलमान खानको फिल्म भारतले पहिलो दिन बम्पर ओपनिङ गर्दै रेकर्ड बनाएको छ।

फिल्मले बर्ष २०१९ मा प्रदर्शनमा आएको सबै बलिउड चलचित्रको पहिलो दिनको कमाइको रेकर्ड तोडेको छ ।

खानको फिल्म बर्षेनि इदको अबसर पारेर रिलिज गरिन्छ। भारतले बर्ष २०१९ कै सबैभन्दा बढि ४२।३० करोडको ओपनिङ गरेको छ। यो बर्ष प्रदर्शनमा आएको कलङकले २१।६० करोडको ओपनिङ गरेको थियो।

भारतको यो ओपनिङले खानको अघिल्ला फिल्मले बनाएका सबै ओपनिङ रेकर्ड तोडेको छ । खानको प्रेम रतन धन पायोले ४०।३५ करोडको ओपनिङ गरेको थियो साथै खानकै सन् २०१६ मा प्रदर्शनमा आएको चलचित्र सुल्तानले ३६।५४ करोडको ओपनिङ गरेको थियो ।

भारत विश्वभरिका करिब ६ हजार भन्दा बढि हलहरुबाट प्रदर्शन भइरहेको तरण आदर्शले जानकारि दिएका छन् । फिल्मलाइ अलि अब्बास जफरले निर्देशन गरेको छन् ।