आमिर खानले तेस्रोपटक गरे विवाह

मुम्बई । बलिउड अभिनेता आमिर खानले आफ्नी प्रेमिका गौरी स्प्रेटसँग मुम्बईको बान्द्रास्थित आफ्नै घरमा एक निजी समारोहबीच विवाह गरेका छन् ।

पछिल्लो दुई वर्षभन्दा बढी समयदेखि प्रेम सम्बन्धमा रहेको यो जोडीले आइतबार परिवार र केही नजिकका साथीहरूको उपस्थितिमा विवाह गरेका हुन् ।

आमिरका प्रवक्ताले उनीहरु आधिकारिकरूपमा पति पत्नी भइसकेको भारतीय मिडियाहरुसित बताएका छन् । वैवाहिक समारोहमा आमिरका अघिल्ला विवाहबाट जन्मेका सन्तानहरूसहित परिवारका सदस्यहरू र निकट साथीभाइको उपस्थिति थियो ।

विवाह समारोह सुरु हुनुअघि आमिरकी छोरी आइरा खान र छोरा जुनैद खानलाई उनको निवासमा पुगेको देखिएको थियो । यस्तै ुलगानु फिल्मका निर्देशक आशुतोष गोवारिकर र अभिनेत्री एली अवराम पनि उत्सवमा सहभागी हुन पुगेका थिए ।