चर्चामा शम्भुजीत बास्कोटाको नयाँ गीत ‘माया नै माया’ (हेर्नुस् भिडिओसहित)

काठमाडौँ । प्रख्यात गायक तथा सङ्गीतकार शम्भुजीत बास्कोटाको नयाँ गीत सार्वजनिक भएसँगै चर्चामा आएको छ । भ्यालेन्टाइन डेको अवसरमा ल्याइएको ‘माया नै माया’ बोलको गीतले अहिले युवा पुस्ताहरूको बिचमा निकै नै चर्चा कमाउन सफल भएको छ ।

पछिल्ला युवा पुस्ताको माया, प्रेमलाई समेटेर बनाइएको उक्त गीतले सकारात्मक प्रतिक्रिया पाउनुको साथै छोटो समयमा धेरैले हेरेका छन् ।

मङ्गलवार शम्भुजीत ७ नोट्स युट्युब च्यानलमार्फत उक्त गीत सार्वजनिक गरिएको हो ।

किरण केसीको शब्द रहेको गीतमा सुरेश लामाले स्वर दिएका छन् भने मनोहर सुनामले संगीत संयोजन गरेका छन्।

निकेश खड्काले निर्देशन गरेको म्युजिक भिडिओमा अभिनेता आकाश श्रेष्ठ र गरिमा शर्माले अभिनय गरेका छन् ।

बुद्ध थापाले छायाङ्कन गरेको उक्त म्युजिक भिडिओलाई विकाश धमलाले सम्पादन गरेका हुन् ।