शुक्रबार, असोज ८ २०७८
ताजा अपडेट

अक्षय कुमारकी आमाको निधन : अक्षय कुमारले लेखे, ‘यो पीडा असह्य’


  • KTM Khabar
  • बुधबार, भाद्र २३ २०७८
2.9K
SHARES

फाईल तस्बिर

बलिउड अभिनेता अक्षय कुमारकी आमा अरणा भाटियाको निधन भएको छ । उनकी आमा विगत लामो समयदेखि बिरामी थिइन् । अक्षय कुमारले सोसल मिडियामा आफ्नी आमाको निधनबारे जानकारी दिए । साथै अभिनेताले आमाको नाममा एउटा भावुक पोस्ट पनि सेयर गरेका छन् ।

अक्षय कुमारले आफ्नो पोस्टमा लेखे, ‘उनी मेरी महत्वपूर्ण हिस्सा थिइन् । आज मलाई असह्य पीडा महसुस भइरहेको छ । मेरी आमा श्रीमती अरुणा भाटियाले आज बिहान यो दुनियाँबाट बिदा भएकी छिन् । उनी अर्को दुनियाँमा मेरा पितालाई भेट्न गएकी छिन् । म तपाईंहरुको प्रार्थनाको सम्मान गर्छु किनभने म र मेरो परिवार निकै विचलित पारिदिने स्थितिबाट गुज्रिरहेका छौं । ओम शान्ति ।’

अक्षय कुमारको यो पोस्ट देखेपछि सबैले उनकी आमालाई भावपूर्ण श्रद्धाञ्जली अर्पण गरिरहेका छन् । प्रशंसक र बलिउड सेलिब्रिटीले कमेन्टमा अक्षय कुमारलाई सान्त्वना दिएका छन् ।

अक्षय कुमारकी आमाको स्वास्थ्य निकै लामो समयदेखि ठिक थिएन । ३ सेप्टेम्बरमा अरुणा भाटियालाई मुम्बईको हिरानन्दानी अस्पतालमा भर्ना गरिएको थियो । उनी आइसीयूमा थिइन् । उनको स्थिति निकै नाजुक थियो । आमाको स्वास्थ्य खराब भएको जानकारी पाएपछि अक्षय कुमार लण्डनबाट तुरुन्तै मुम्बई फर्किएका थिए । अक्षय आफ्नो फिल्म सिन्ड्रेलाको सुटिङ गरिरहेका थिए ।


खुशी मिडिया प्रा.ली. द्धारा सञ्चालित KTMKHABAR लाई नेपाली र अंग्रेजी संस्करणबाट पढ्न, हेर्न र सुन्न सक्नुहुनेछ । एप्सबाट सिधा समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुक, युटुब र ट्वीटरमा पनि हामिसंग जोडिन सक्नुहुनेछ ।


प्रतिक्रिया
सम्बन्धित समाचार

यो साता चर्चामा