शुक्रबार, असोज ८ २०७८
ताजा अपडेट

उपत्यकामा खुलेनन् फिल्म हल


  • KTM Khabar
  • बिहिबार, भाद्र १७ २०७८
2.5K
SHARES

फाइल तस्विर

जिल्ला प्रशासन कार्यलय काठमाडौंले बिहिबारदेखि उपत्यकाको हल खोल्न दिने निर्णय बुधबार गर्यो । प्रशासनको निर्णयले फिल्म क्षेत्रमा उत्साह थपिएको थियो । करिब ४ महिनादेखि बन्द रहेको हल बिहीबारबाटै आफुहरुले खोल्ने चलचित्र संघका महासचिव अशोक शर्माले बताएका थिए । तर बिहीबार भने उपत्यकामा कुनै पनि हल खुलेका छैनन् ।

प्रशासनले अनुमति भएपनि बिहीबार आफुहरु हल खोल्न असमर्थ रहेको चलचित्र संघका महासचिव अशोक शर्माले बताए । ‘लामो समयदेखि बन्द रहेको हलको सफाई, प्राविधिक चेकजाँच लगायतको टेक्निकल समस्याले आज फिल्म रिलिज हुन सकेन’ शर्माले भने, ‘अझै केही दिन यस्तो समस्या रहन्छ । त्यसपछि हल खुल्छ ।’ सबै प्राविधिक व्यवस्था मिलाएर एक साताभित्र सबै हल खुल्ने उनले अनुमान लगाए ।

‘हल खुलेपनि सुरुमा नयाँ फिल्म लाग्दैन’ शर्माले थपे, ‘पुरानो फिल्म रिलिजबाट दशै सम्ममा नयाँ फिल्म रिलिज गर्ने माहोल बनाउँछौ ।’ शर्मा पुरानो फिल्म रिलिजका लागि भने समस्या नरहेको खुलाए । थपे, ‘फिल्मको कारणले भन्दा हलकै कारणले आज नखुलेको हो । पुरानो फिल्मको समस्या भने छैन ।’


खुशी मिडिया प्रा.ली. द्धारा सञ्चालित KTMKHABAR लाई नेपाली र अंग्रेजी संस्करणबाट पढ्न, हेर्न र सुन्न सक्नुहुनेछ । एप्सबाट सिधा समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुक, युटुब र ट्वीटरमा पनि हामिसंग जोडिन सक्नुहुनेछ ।


प्रतिक्रिया
सम्बन्धित समाचार

यो साता चर्चामा