बुधबार, साउन १३ २०७८
ताजा अपडेट

भारतमा ‘राधे’को कलेक्सन ६९ हजार रुपैंंयाँ


  • KTM Khabar
  • आइतबार, जेष्ठ ३० २०७८
3.3K
SHARES

फाइल तस्बिर

अभिनेता सलमान खान स्टारर फिल्म ‘राधेः योर मस्ट वान्टेड भाई’ गत मे १३ मा पे पर भ्यू सर्भिस जी प्लेक्समा रिलिज भएको थियो । कोरोनाको दोस्रो लहरका कारण फिल्मले देशका थिएटरमा रिलिज हुने मौका पाएन ।

यद्यपि कोरोनाको संक्रमण दर घट्दै गएका कारण सरकारले लकडाउनलाई केही खुकुलो बनाउदै राज्यभर फिल्म हल खोल्न अनुमति दिएको छ । महाराष्ट्रका दुई फिल्म हलले ठूलो पर्दामा फिल्मलाई देखाइरहेको छ । जसमा मालेगाउँस्थित ड्राइव इन सिनेमा र अर्को औरंगाबादको खिनवासरा सिनेप्लेक्स छन् ।

फिल्मको वितरण कम्पनी जी स्टूडियोले सामाजिक सञ्जालमा केही तस्वीर शेयर गरेको छ । जसमा दर्शकहरु मालेगाउँको ड्राइभ इन सिनेमामा फिल्मको फाइदा उठाइरहेका छन् ।

समाचारअनुसार मालेगाउँको ड्राइभ इन सिनेमाले फिल्मका लागि दुई शो र खिनवासरा सिनेप्लेक्समा चार शो राखिएको छ ।

ड्राइव इन सिनेमाका मालिक तुषार तिसागेका अनुसार शुक्रबार साँझ ७ः३० को शोमा २२ दर्शकले कारमा बसेर र ४० दर्शकले कुर्सीमा बसेर फिल्म हेरेका थिए । तर ९ः३० को शोमा दर्शक नआएपछि शो रद्द गर्नुपरेको थियो ।

त्यस्तै खिनवासरा सिनेप्लेक्सका मेनेजर सुहास कोटेचाले शुक्रवारको चार शोमा २२ वटामात्र टिकट बिक्री भएको उल्लेख गरेका छन् ।

मालेगाउँको ड्राइव इन सिनेमाले शुक्रबार करिब ३ हजार ५ सय ९७ रुपैंयाँ ८७ पैसा कलेक्सन गरेको थियो । त्यस्तै औंगाबादको खिनवासरा सिनेप्लेक्सले २ हजार ४ सय २० रुपैंयाँ कलेक्सन गरेको थियो । फिल्मले शुक्रबार कुल कलेक्सन ६ हजार १७ रुपैंया ८७ पैसा गरेको थियो ।

प्रभु देवाको निर्देशन रहेको फिल्म त्रिपुराको तीन थिएटरमा मात्र रिलिज भयो । जसमा २ अगरतला र १ धरमनगरको थिएटर छन् । यी तीन थिएटरको आम्दानीलाई पनि जोड्ने हो भने फिल्मले हालसम्म ६९ हजार २ सय ६५ रुपैंयाँ ८७ पैसा कलेक्सन गरेको छ ।


खुशी मिडिया प्रा.ली. द्धारा सञ्चालित KTMKHABAR लाई नेपाली र अंग्रेजी संस्करणबाट पढ्न, हेर्न र सुन्न सक्नुहुनेछ । एप्सबाट सिधा समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुक, युटुब र ट्वीटरमा पनि हामिसंग जोडिन सक्नुहुनेछ ।


प्रतिक्रिया
सम्बन्धित समाचार

यो साता चर्चामा