बुधबार, असार ९ २०७८
ताजा अपडेट

पैसा जुटाउन चेस खेल्दै आमिर खान


  • KTM Khabar
  • बिहिबार, जेष्ठ २७ २०७८
1.7K
SHARES

फाइल तस्विर

बलिउड अभिनेता आमिर खान अपरिचित नाम होइन । उनले आफ्नो करियरमा कैयौं सुपरहिट फिल्म दिएका छन् । अभिनयका अलावा उनी चेस खेलको कुशल खेलाडी पनि हुन् ।

आमिर पाँच पटक चेसको विश्व च्याम्पियन भइसकेका विश्वनाथन आनन्दसँग चेस प्रतिष्पर्धा गर्ने भएका छन् । उनीहरुबीच आगामी जून १३ मा प्रतिष्पर्धा हुँदैछ ।

उनीहरुको यो प्रतिष्पर्धा कोभिड–१९ का लागि पैसा जुटाउने प्रयोजनमा हुनेछ । ‘चेकमेट कोभिड’ नाम दिइएको यो प्रतिष्पर्धामा निर्देशक सादिज नाडियाडवाला आमिरको साथमा हुनेछन् ।

चेस डटकम इण्डियाले यो प्रतिष्पर्धा आयोजना गर्न लागेको हो । ‘जुन समयको तपाईंहरुले प्रतिक्षा गरिरहनुभएको थियो । सुपरस्टार आमिर खान चेसको उत्साही प्रेमी पूर्व विश्व च्याम्पियन विशी आनन्दविरुद्ध एक मैत्रीपूर्ण प्रतियोगिता खेल्दै हुनुहुन्छ । कृपया यो प्रतियोगितालाई सफल बनाउनका लागि च्यारिटेबल सहयोग गर्दै स्वतन्त्र महशुस गर्नुहोस्’, चेस डटकम इण्डियाले ट्वीट गरेको छ ।

यसअघि पनि आमिर र विश्वनाथन एकसाथ चेस खेलिसकेका छन् । कामको कुरा गर्दा आमिर फिल्म ‘लाल सिंह चड्डा’का कारण चर्चामा छन् । फिल्ममा उनी एक सरदारको भूमिकामा देखिँदैछन् । फिल्ममा करीना कपूर खानको पनि अभिनय छ ।


खुशी मिडिया प्रा.ली. द्धारा सञ्चालित KTMKHABAR लाई नेपाली र अंग्रेजी संस्करणबाट पढ्न, हेर्न र सुन्न सक्नुहुनेछ । एप्सबाट सिधा समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुक, युटुब र ट्वीटरमा पनि हामिसंग जोडिन सक्नुहुनेछ ।


प्रतिक्रिया
सम्बन्धित समाचार

यो साता चर्चामा