भ्रष्टाचारका निम्ति मात्रै भयो सीसीएमसी, अब सर्वपक्षीय संयन्त्र निर्माण गर्नु पर्छ : माओवादी

माओवादी केन्द्रले कोभिड–१९ संकट व्यवस्थापन केन्द्र सीसीएमसीको खारेज गर्नुपर्ने माग राख्ने पनि निर्णय गरेको छ  ।

पत्रकारहरु संग कुरा गर्दै नेता लिलामणि पोखरेलले भने, सीसीएमसीको त कामै छैन । यसले कुनै राम्रो काम गरेन । अनियमितता र भ्रष्टाचारका निम्ति बनेको संयन्त्र बन्न पुग्यो,’।

नेकपा माओवादी केन्द्रले कोरोना महामारी रोकथाम, उपचार तथा नियन्त्रणका निम्ति छुट्टै संयन्त्र बनाउने भएको छ । पार्टीको स्थायी कमिटी बैठकले अध्यक्ष पुष्पकमल दाहाल प्रचण्डको नेतृत्वमा संयन्त्र निर्माण गर्ने निर्णय गरेको हो ।

यो संयन्त्र प्रदेश, जिल्लादेखि स्थानीय तहसम्म निर्माण हुने स्थायी कमिटी सदस्य लिलामणि पोखरेलले बताए । ‘वडा तहसम्म नै संयन्त्र बनाएर महामारी रोकथाम, उपचार तथा नियन्त्रणमा पार्टी परिचालित गर्छौं’, उनले भने ।

सीसीएमसीले महामारी रोकथाममा काम गर्न नसकेकाले माओवादी केन्द्रले सर्वपक्षीय संयन्त्र निर्माण गर्ने निर्णय पनि गरेको छ । सर्वपक्षीय संयन्त्रमा दलहरु, सरोकारवाला लगायत हुनेछन् । साथै महामारी रोकथामका लागि माओवादी केन्द्रले कोष समेत निर्माण गर्ने भएको छ । केन्द्रीय कोष बनाएर महामारी रोकथाममा सक्रिय हुने बैठकले निर्णय गरेको छ ।