बुधबार, असार ९ २०७८
ताजा अपडेट

एकैदिन तीन फिल्ममा व्यस्त हुन्थे सलमान


  • KTM Khabar
  • मंगलबार, बैशाख २८ २०७८
5.2K
SHARES

फाईल तस्बिर

सन् ९० को दशकमा कलाकारका लागि एक दिनमा चारवटासम्म फिल्मको सुटिङ गर्नु सामान्य थियो । त्यो समयमा अभिनय गर्ने कलाकारलाई अहिले त्यो बेलाको कामको बारेमा प्रश्न सोध्ने हो भने उनीहरु धक नमानी उत्तर दिन्छन् ।

कतिपय कलाकारलाई त आफूले कुन फिल्मको सुटिङ गरिरहेको छु भन्नेसम्म थाहा हुँदैन थियो । अभिनेता सलमान खान आफ्नो फिल्म ‘राधेः योर मस्ट वान्टेड भाइ’को प्रचारप्रसारमा व्यस्त छन् ।
बलिउड हंगामाका अनुसार सलमानले फिल्मको प्रमोसनको समयमा हालै केही सीमित पत्रकारमाझ अन्तरक्रिया गरेका थिए । पत्रकारमाझ उनले आफूले एकदिनमा धेरैवटा फिल्मको सुटिङ सेटमा सट दिएको स्मरण गरे ।
सलमानले आफूसँग राम्रो स्मरण नरहेको बताउदै अभिनय गरेका कतिपय फिल्मको दृश्य र गीतसमेत बिर्सिएको सुनाए ।

‘कहिलेकाँही मेरै फिल्ममा पनि कसले संगीत भरेको र गीत गाएको हो भन्ने बिर्सन्छु । कुनै ठाउँमा सुटिङ गरेर फर्किएपछि फेरी त्यही ठाउँमा पुगें भने पनि ‘ओहो मैले यहाँ सुटिङ गरेको थिएँ है’ भन्ने कुरा बिर्सन्छु’, उनले भनेका छन् ।

सलमानले आफूले एकै दिन तीन फिल्म ‘हम दिल दे चुके सनम’, ‘बिवी नम्बर १’ र ‘कुछ कुछ होता हे’मा सुटिङ सट दिएको स्मरण गरे । ‘बिहान ७ बजेदेखि साँझ ६ बजेसम्म ‘हम दिल दे चुके सनम’, साँझ ७ बजेदेखि मध्यरातको १२ बजेसम्म ‘बिवी नम्बर १’मा र बिहानको एक बजेदेखि ६ बजेसम्म ‘कुछ कुछ होता हे’को सेटमा थिएँ’, सलमानले स्मरण गरेका छन् । यी तिनै फिल्म बक्सअफिसमा सुपरहिट छन् ।

आराम र सुताइको अभावले सलमानलाई निकै समस्या भएको थियो । उनका अनुसार एकैदिनमा तीन फिल्मको काम गर्दा उनले आफूलाई ‘अति नै भयो’ भनेका थिए ।

‘तर त्यसको अर्थ म एक सिफ्टमा मात्र काम गर्छु भन्ने होइन । अहिले पनि म १८ घण्टा काम गर्छु । म काम गरिरहेको छैन र म बसेर कुरा गरिरहेको छु अथवा हुनसक्छ म पिइरहेको छु, त्यो समयमा मेरो ध्यान बिइङ ह्युमनतिर नै हुन्छ । मलाई लाग्छ म पृथ्वीको सबैभन्दा निरस मानिस हुँ’, उनले भनेका छन् ।


खुशी मिडिया प्रा.ली. द्धारा सञ्चालित KTMKHABAR लाई नेपाली र अंग्रेजी संस्करणबाट पढ्न, हेर्न र सुन्न सक्नुहुनेछ । एप्सबाट सिधा समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुक, युटुब र ट्वीटरमा पनि हामिसंग जोडिन सक्नुहुनेछ ।


प्रतिक्रिया
सम्बन्धित समाचार

यो साता चर्चामा