तपेश्वर सिंहको प्रस्तुती भारतीय कमेडीसँग हुबहु मिलेपछि निकालिए

चर्चित टेलिभिजन शो कमेडी च्याम्पियनको सिजन २ प्रशारणको तयारीमा छ। शोका लागि २४ जना प्रतिस्पर्धी छानिइसकेका छन्।

डिजिटल अडिसनमार्फत छानिएका उनीहरूको प्रस्तुती क्लिप भिडिओ सार्वजनिक भइरहेको छ। जसमा एक प्रतिस्पर्धीको प्रस्तुती भने भारतीय कमेडीसँग हुबहु मिलेपछि उनलाई हटाइएको छ।

प्रतिस्पर्धी मध्येका एक तपेश्वर सिंहको प्रस्तुती भारतीय कमेडीसँग हुबहु मिलेपछि उनलाई हटाइएको हो। उनको ठाउँमा अक्जल पूजारीलाई शीर्ष २४ मा प्रवेश दिइएको कमेडी च्याम्पियनले जनाएको छ।

सिंह गोल्डेन माइक समेत जितेर प्रतिस्पर्धामा प्रवेश गरेका थिए। उनलाई निष्काशन गरिएसँगै उनको गोल्डेल की पनि फिर्ता गरिएको छ। अरूको सिक्ने तर, सिर्जना गर्दा नितान्त व्यक्तिगत हुनुपर्ने भन्दै अरूको कन्टेन कपी गर्दा समस्या हुने च्याम्पियनले जनाएको छ।