१३२ जना सवार दुर्घटनाग्रस्त विमानको विषयमा आयो यस्तो खबर

दक्षिण चीनको ग्वाङ्सी झुआङ स्वायत्त क्षेत्रमा सोमबार दुर्घटनाग्रस्त भएको चाइना इस्टर्न एयरलाइन्सको विमानमा सवार सबै १३२ जनाको मृत्यु भएको शनिबार पुष्टि गरिएको छ ।

दक्षिण चीनको गुआङ्सी झुआङ स्वायत्त क्षेत्रमा सोमबार दिउँसो १३२ यात्रु बोकेको यात्रुवाहक विमान दुर्घटनाग्रस्त भएपछि उद्धारकार्य जारी रहेको छ ।उद्धार कार्यमा दुई हजारभन्दा बढी मानिसलाई घटनास्थलमा पठाइएको छ ।

दुर्घटनास्थल पहाडी जङ्गलमा रहेको हुनाले ब्ल्याक बक्सको खोजीकार्य ड्रोन र उद्धारकर्मी दुवैमा निर्भर रहेको जनाइएको छ । कुनमिङबाट गोआन्झाउका लागि उडेको चाइना इस्टर्न एयरलाइन्सको बोइङ ७३७ विमान सोमबार दिउँसो २ः ३८ बजे वुझाउ सहरको टेङ्क्सियान काउन्टीको मोलाङ गाउँ नजिकैको पहाडी क्षेत्रमा दुर्घटनाग्रस्त भएको थियो ।

यो पनि हेर्नुहोस् ।
बेइजिङको आधारभूत प्रदूषण दरमा ३३ प्रतिशतले कमी

बेइजिङमा यस वर्षको पहिलो दुई महिनामा अघिल्लो बर्षको सोही अवधिको तुलनामा आधारभूत वायु प्रदूषण सूचकांकमा ३३.३ प्रतिशतले कम भएको देखिएको सरकारी तथ्याङ्कले देखाएको छ ।

जनवरी–फेब्रुअरीको अवधिमा यस शहरको प्रदुषणको २.५ औसत एकाग्रता (पीएम) प्रति घन मिटर ३४ माइक्रोग्राम रहेको बेइजिङ नगर पर्यावरण तथा वातावरण ब्यूरोले जनाएको छ । बेइजिङमा गत दुई महिनामा कुनै गम्भीर प्रदूषित दिन नभएको रिपोर्ट गरिएको छ ।

फेब्रुअरी ४ देखि २० सम्म बेइजिङ शीतकालीन ओलम्पिक अवधिको दौडान यस शहरको पीएम २.५ सूचकाङ्क प्रति घन मिटर २३ माइक्रोग्राम रहेको थियो । पीएम २.५ सूचकाङ्क माइक्रोन वा त्यसभन्दा कम व्यासका वायुबाट उत्पन्न कणहरूको निगरानी गर्ने गेज हो ।

यी कणहरू मानिसहरूको फोक्सोको गहिरो भागसम्म प्रवेश गर्न सक्छन् र स्वास्थ्यमा गम्भीर जोखिम उत्पन्न गर्न सक्छन् । गत वर्ष यो शहर राष्ट्रिय वायु गुणस्तरको मापदण्डलाई अपनाउने घोषणासँगै बेइजिङले आफ्नो वायु प्रदूषण नियन्त्रणमा सफलता हात पारेको होे ।

सन् २०२१ मा यस शहरको औसत पिएम २.५ प्रति घन मिटर ३३ माइक्रोग्राम थियो । यो सन् २०१३ मा रेकर्ड सुरु भएदेखिको सबैभन्दा कम स्तर हो ।