मंगलबार, मंसिर १४ २०७८
ताजा अपडेट

संसद भवन बाहिर आत्मघाती विष्फोट


  • KTM Khabar
  • बुधबार, मंसिर १ २०७८
3K
SHARES

काठमाडौँ – संसद भवन बाहिर दुई वटा आत्मघाती विस्पोट भएका छन् । यो युगाण्डाको खबर हो ।

राजधानी कम्पालामा भएका दुई आत्मघाती हमलामा कम्तीमा तीन जनाको ज्यान गएको मृत्यु छ भने ३० जना भन्दा धेरै घाइते भएका छन् ।

यी विष्फोट तीन मिनेटको अन्तरमा भएका प्रहरीको भनाई छ । ज्यान गुमाउनेमा प्रहरी पनि छन् ।

घाइते मध्ये ३० जनाको अवस्था गम्भीर छ । विष्फोटपछि शरीरका टुक्राहरू यत्रतत्र छरिएका अवस्थामा भेटिएका छन् ।

ज्यान गुमाउनेको संख्या अझै बढ्न सक्ने अधिकारीहरूले जनाएका छन् ।

चरमपन्थी संगठन इस्लामिक स्टेटले हमलाको जिम्मेवारी लिएको छ ।

प्रहरीका अनुसार मोटरसाइकलमा आएका तीन हमलाकारीले संसद र प्रहरी मुख्यालयलाई निशाना पारेर विष्फोट गराएका थिए ।

अहिले पनि सहरका विभिन्न क्षेत्रमा बम फेला परिरहेको प्रहरीले जनाएको छ ।

प्रहरीले विष्फोटक ज्याकेट लगाएका एक हमलाकारीलाई पक्राउ गरेको छ । विष्फोटपछि संसद भवनको बाहिर पार्किङ गरिएका सांसदहरूका गाडीमा आगो लागेको छ ।


खुशी मिडिया प्रा.ली. द्धारा सञ्चालित KTMKHABAR लाई नेपाली र अंग्रेजी संस्करणबाट पढ्न, हेर्न र सुन्न सक्नुहुनेछ । एप्सबाट सिधा समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुक, युटुब र ट्वीटरमा पनि हामिसंग जोडिन सक्नुहुनेछ ।


प्रतिक्रिया
सम्बन्धित समाचार

यो साता चर्चामा