सोचकोभन्दा उत्कृष्ट नतिजा आएकोमा सन्तुष्ट छुः प्रशिक्षक अल्मुताइरी

नेपाली राष्ट्रिय  फुटबल टोलिका प्रशिक्षक अब्दुल्लाह अल्मुताइरीले मोरिससबिरुद्धको दुईवटा मैत्रीपूर्ण खेलमा आफूले सोचको भन्दा फरक नतिजा पाएकोमा सन्तुष्ट रहेको बताएका छन् ।

मंगलबार दशरथ रंगशालामा सम्पन्न मोरिससबिरुद्धको दोश्रो मैत्रीपूर्ण खेलमा नेपाल १–० गोल अन्तरले विजयी भएपछि अल्मुताइरीले यस्तो प्रतिक्रिया दिएका हुन् ।

नेपालको जितमा सुजल श्रेष्ठले गोल गरेका थिए ।

खेलपछिको प्रस कन्फरेन्समा बोल्दै अल्मुताइरीले मैत्रीपूर्ण खेलअघि आफूले दुबै खेल जित्ने आश नगरेको बताए । उनले दुईमध्ये एक खेलमा मात्र जित निकाल्ने आश गरेपनि खेलाडीहरुको प्रदर्शनका कारण शत प्रतिशत जित निकाल्न सकेको बताए ।

अल्मुताइरीले भने,‘मेरो योजना अनुसार सत्य बोल्ने हो भने दुबै खेल जित्ने आश गरेको थिइन । मेलै साचेको थिए हामीले एक खेल जित्छौ र एक बराबर अथवा हारको सामना गर्छाे । तर जे नतिजा आएको छ,त्यो  सोचेको भन्दा उत्कृष्ट हो ।’