क्योकुशिन सेईसिन काईकान कराँतेका खेलाडी शनि सिंहलाई स्वर्ण पदक

श्रीलङ्कामा जुलाई २७ मा आयोजना भएको साउथ एसियन स्तरीय २५ औँ अन्तर्राष्ट्रिय फुलकन्ट्याक्ट लक्माज च्यालेन्जमा नेपाल क्योकुशिन सेईसिन काईकान कराँते संघबाट सहभागी भएको खेलाडी शनि सिंहले स्वर्ण पदक हासिल गरेको छ।

प्रतियोगितामा श्रीलङ्काको खेलाडीलाई २ राउन्ड ड्र भएर तेश्रो पटकको भिडन्तमा नेपाली खेलाडीले स्वर्ण पदक हात पार्न सफल भएको थियो।

नेपाल क्योकुशिन सेईसिन काईकान कराँते संघको अध्यक्ष तथा नेपाल प्रमुख शिहान अशोक कुमार श्रेष्ठको नेतृत्वमा सहभागी भएको उक्त प्रतियोगिताकामा अफिसियलमा प्रशिक्षक रामशरण राणा, प्रशिक्षक सम्पूर्ण महर्जन र खेलाडीमा शनि सिंहले सहभागिता जनाएको थियो।
सहभागी देशहरूमा नेपाल, भारत, बङ्गलादेश र श्रीलङ्का रहेका थिए।