पीएसजी बराबरीमा रोकियो

फ्रेन्च लिग वानको लिग लिडर पेरिस सेन्ट जर्मेन (पीएसजी) बराबरीमा रोकिएको छ ।

१० खेलाडीमा सीमित पीएसजीले सोमबार भएको खेलमा मार्सेसँग गोलरहित बराबरी खेलेको हो । मेसी, नेयमार र एम्बाप्पे सम्मिलित खेलमा पीएजसीले बराबरी खेल्दै अंक बाँडेको हो । खेलमा पीएसजी आक्रमक बने पनि गोल भने गर्न सकेन ।

मार्सेले पीएसजीको पोस्टमा १५ वटा उत्कृष्ट सट प्रहार गरेको थियो । पीएसजी खेलको ५७औँ मिनेटमा १० खेलाडीमा समेटिएको थियो । आर्चफ हाकिमी रातो कार्ड खाँदै मैदानबाट बाहिरिएका थिए ।

बराबरीसँगै पीएजीले शीर्ष स्थानमा रहँदै सात अंकको अग्रता बनाएको छ । लिगमा ११ खेल खेलेको पीएसजीले २८ अंक जोडेको छ । दोस्रो स्थानमा रहेको लेन्सको २१ अंक छ । मार्से १० खेलबाट १८ अंक जोड्दै तालिकाको चौथो स्थानमा छ ।