इङ्गल्याण्ड र डेनमार्कको खेल अतिरिक्त समयमा धकेलियो

युरोकप अन्तर्गत इङ्गल्याण्ड र डेनमार्कबिच जारी दोश्रो सेमिफाइनल खेलको निर्धारित समय बराबरीमा टुङ्गिएपछि खेल अतिरिक्त समयमा धकेलिएको छ ।

इङ्गल्याण्डको वेम्ब्ले स्टेडियममा जारी इङ्गल्याण्ड र डेनमार्कबिचको दोश्रो सेमिफाइनल खेलको निर्धारित समय बराबरीमा टुङ्गिएपछि खेल अतिरिक्त समयमा धकेलिएको हो ।

यसअघि खेलको ३०औं मिनटमा पाएको फ्रिकिकमा युवा मिकेल डाम्सगार्डले वालमाथिबाट सुन्दर कर्ल किकलाई गोलमा परिणत गर्दा डेनमार्कले इङ्गल्याण्डमाथि अग्रता बनाएको थियो ।

खेलको ३९ औं मिनेटमा डेनमार्कका सिमोन काइरले आत्मघाती गोल गरेपछि इङ्गल्याण्डले पहिलो हाफअघि १–१ गोलको बराबरी गर्ने मौका पायो । इङ्गल्याण्डका बुकायो साकाको क्रसमा सिमोनले आफ्नै पोष्टमा गोल गर्दा पहिलो हाफमा बराबरी भएको थियो ।

यसअपछि दोश्रो हाफमा दुबै टोलिबाट थप गोल हुन नसकेपछि खेल अतिरिक्त समयमा पुगेको हो ।