युरोकप समूह चरण सकियो, नकआउट चरणमा कोको भिड्दैछन् ?

विहीबार मध्यराति फ्रान्स र पोर्चुगलले बराबरीमा खेलेसँगै युरोकपको समूह चरणका खेलहरु सकिएका छन् । अबको खेल नकआउट चरणमा प्रवेश गरेको छ । यो चरणमा १६ टिमले खेल्नेछन् ।

कोको भिड्दैछन् ?

असार १२ गते शनिबार नकआउट चरणको पहिलो खेलमा नेपाली समयअनुसार राति ९ः४५ मा वेल्स र डेनमार्कबीच प्रतिस्पर्धा हुँदैछ । सोही रात १२ः४५ बजे इटली र अस्ट्रियावीच खेल हुनेछ ।

असार १३ गते आइतबार नेपाली समयअनुसार राति ९ः४५ मा नेदरल्यान्डस् र चेक गणतन्त्रबीच प्रतिस्पर्धा हुनेछ । रोही रात १२ः४५ मा बेल्जियम र पोर्चुगल भिड्नेछन् ।

असार १४ गते सोमबार नेपाली समयअनुसार राति ९ः४५ मा क्रोएसिया र स्पेन भिड्नेछन् भने राति १२ः४५ मा फ्रान्स र स्वीटरजल्यान्ड भिड्नेछन् ।

असार १५ गते मंगलबार नेपाली समयअनुसार राति ९ः४५ मा इङल्यान्ड र जर्मनी भिडनेछन् । राति १२ः४५ मा स्वीडेन र युक्रेनबीच प्रतिस्पर्धा हुनेछ ।

नकआउट चरणको खेल सकिएको तीनदिनपछि अर्थात् असार १८ गतेदेखि क्वार्टर फाइनल चरण शुरु हुनेछ ।

असार २२ र २३ गते सेमिफाइनल खेलहरु हुनेछन् ।

र, युरोकप–२०२० को फाइनल खेल २७ असार, नेपाली समयअनुसार मध्यराति १२ः४५ मा लण्डनको बिम्बली रंगशाला हुनेछ ।