रियललाई लिग उपाधि

म्याड्रिड — रियल म्याड्रिडले शनिबार इस्पनयोललाई सजिलै ४–० ले पराजित गर्दै स्पेनी ला लिगाको उपाधि जितेको छ । उसलाई लिग उपाधि जित्ने औपचारिकता पूरा गर्न इस्पनयोलविरुद्ध खाल‍ी १ अंकको मात्र आवश्यकता थियो ।

कार्लो एन्सेलोटीको टिमका लागि रोडरिगोले दुई गोल गरे । उनले पहिलो हाफको ३३ र ४३ औं मिनेटमा गोल गरे । दोस्रो हाफमा मार्को एसेन्सिओले ५५ औं मिनेटमा गोल गरेयता करिम बेन्जेमाले ८१ औं मिनेटमा चौथो गोल थपे ।

यो जितपछि रियलको ८१ अंक भएको छ र लिगमा चार चरणको खेल बाँकी छँदा उसलाई कसैले उछिन्न सक्ने छैन । दोस्रो स्थानमा रहेको सेभियाको ६४ अंक रहेको छ ।

रियल चार खेल अगाडि नै लिग जित्न सफल रहेको हो । शनिबारका अन्य खेलमा एलाभेसले भिल्लारियललाई २–१ ले हरायो । यस्तै सेभिया र काडिजले १–१ को बराबरी खेले ।