आइतबार, माघ ९ २०७८
ताजा अपडेट

बेन्जेमाले कोशेढुंगा पार गर्दा रियललाई ८ अंकको अग्रता, बार्सा रोकियो


  • KTM Khabar
  • आइतबार, पुष २५ २०७८
1K
SHARES

फाईल तस्बिर

करिम बेन्जेमाको दुई गोलको मद्दतले रियल म्याड्रिडले घरेलु मैदानमा भ्यालेन्सियालाई हराउँदै स्पेनिस ला लिगाको शीर्ष स्थानमा ८ अंकको अग्रता बनाउन सफल भएको छ । शनिबार भएको खेलमा रियल ४-१ गोलअन्तरले विजयी भएको हो ।

खेलको ४३ औँ मिनेटमा बेन्जेमाले पेनाल्टीबाट गोल गर्दै रियललाई अग्रता दिलाए भने दोस्रो हाफमा भिनिसियस जुनियरले दुई गोल थप्दै रियलको अग्रता फराकिलो बनाए । खेलको ७६ औँ मिनेटमा गोन्कालो गुइडेसले प्रहार गरेको पेनाल्टीलाई थियाबट कोर्टवाले रोके पनि रिबाउन्डमा गोल गर्दै उनले टोलीका लागि एक गोल फर्काए ।

खेलको अन्त्यतिर अर्को गोल गर्दै बेन्जेमाले रियलको जीत सुनिश्चित गरे । योसँगै बेन्जेमाले रियलका लागि सबै प्रतियोगितामा ३०१ गोल गर्न सफल भएका छन् । क्लबका लागि सबैभन्दा धेरै गोल गर्नेमा उनीभन्दा अघि अब क्रिस्टियानो रोनाल्डो, राउल र अल्फ्रेडो डी स्टेफानोमात्र रहेका छन् ।

उता, ड्यानी आल्भेस ला लिगामा फर्किएको खेलमा बार्सिलोना ग्रानाडासँग बराबरीमा रोकिएको छ । १-१ को बराबरीमा रोकिएपछि बार्सिलोनाले लिगको तेस्रो स्थानमा उक्लिने अवसर गुमायो ।

लुक डि जोङले दोस्रो हाफको सुरुवातमा बार्सिलोनालाई अग्रता दिलाए पनि खेलको अन्त्यतिर एन्टोनियो पुएरटासले गोल गर्दै खेल बराबरीमा गरेका थिए । यसअघि गाभीले दोस्रो पहेँलो कार्ड खाएपछि बार्सा १० खेलाडीमा सिमति बनेको थियो । ग्रानाडा पछिल्ला सात खेलमा अपराजित रहेको छ ।


खुशी मिडिया प्रा.ली. द्धारा सञ्चालित KTMKHABAR लाई नेपाली र अंग्रेजी संस्करणबाट पढ्न, हेर्न र सुन्न सक्नुहुनेछ । एप्सबाट सिधा समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुक, युटुब र ट्वीटरमा पनि हामिसंग जोडिन सक्नुहुनेछ ।


प्रतिक्रिया
सम्बन्धित समाचार

यो साता चर्चामा