मंगलबार, मंसिर १४ २०७८
ताजा अपडेट

साफ फाइनल : नेपाल उपविजेता, फाइनल सम्म पुर्‍याउने हिरो अलमुताइरी !


  • KTM Khabar
  • शनिबार, असोज ३० २०७८
2.1K
SHARES

Head coach of Nepali National Team, Abdullah Almutairi. (File photo)

माल्दिभ्समा भइरहेको १३ औं संस्करणको साफ च्याम्पियनसिपको पहिलो पटक फाइनल सम्म पुगेर उपविजेता बनेर इतिहास रचेको छ । फाइनल खेल भने भारतले जितेको छ । पहिलो पटक नेपाल साफको फाईनलमा पुगेको हो ।

मुख्य प्रशिक्षक अब्दुल्लाह अलमुताइरीकै कारण पहिलो पटक साफ च्याम्पियनसिपको फाइनल सम्म नेपाल पुगेको हो ।

मालेस्थित नेशनल स्टेडिएयमा शनिबार भएको खेलमा नेपाललाई ३–० गोल अन्तरले हराउँदै भारतले उपाधि हात पारेको हो ।

पहिलो हाफमा बराबरीमा रोकिएको खेल दोस्रो हाफमा भारतले लगातार २ गोल गरेको थियो । खेलको ८९औं मिनेटमा भारतले पुनः गोल गरेर अग्रतालाई ३–० बनायो । यसअघि भएको खेलमा भारतसँग नेपाल १–० गोल अन्तरले पराजित भएको थियो

नेपालले साफमा समूह चरणको खेलमा चार खेलमध्ये २ खेलमा जित हासिल गरेको थियो भने एक खेल बराबरीमा रोकिएको थियो । नेपालले लिग चरणको अन्तिम खेलमा बंगलादेशलाई १–१ को बराबरीमा रोक्दै नेपाल फाइनल प्रवेश गरेको थियो । उता भारत भने २ खेलमा बराबरी र २ खेलमा जित निकाल्दै फाइनल प्रवेश गरेको थियो ।

निकै बलियो टिम मानिएको भारतलाई विरुद्ध गोल गर्न नेपाललाई निकै हम्मे हम्मे पर्यो । नेपाल साफ च्याम्पियनसीपको इतिहासमै पहिलो पटक फाइनलमा पुगेको हो । फाइनल खेलमा भारतसँग पराजय भएसँगै नेपाल उपविजेतामा सिमित भएको छ ।


खुशी मिडिया प्रा.ली. द्धारा सञ्चालित KTMKHABAR लाई नेपाली र अंग्रेजी संस्करणबाट पढ्न, हेर्न र सुन्न सक्नुहुनेछ । एप्सबाट सिधा समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुक, युटुब र ट्वीटरमा पनि हामिसंग जोडिन सक्नुहुनेछ ।


प्रतिक्रिया
सम्बन्धित समाचार

यो साता चर्चामा