ओलम्पिक दौड शुरु हुन एक घण्टाअघि केन्याली धावकलाई सहभागिताबाट रोकियो

दौड शुरु हुनुभन्दा एक घण्टा अघि सार्वजनिक गरिएको ड्रग टेष्टमा फेल भएपछि केन्याली स्प्रिन्टर मार्क ओटिएनोको ओलम्पिकमा स्वर्णपदक जित्ने सपना सक्किएको छ ।

मार्क ड्रग परिक्षणमा असफल भएको र ओलम्पिकको एकसय मिटर दौडमा सहभागि हुन नपाउनेबारे केन्याको खेलकुद मन्त्रालयले पुष्टि गरेको हो ।

२७ वर्षिय केन्याली मार्कको आफ्नो पहिलो ओलम्पिक सहभागिता रहेको थियो । उनीबाट केन्याले एकसय मिटर स्प्रिन्टमा निक्कै आश समेत गरेको थियो ।

उनी गत जुनमा केन्यको नैरोबीमा भएको पूर्वी अफ्रिकन राष्ट्रहरुको ट्रायलमा १०ः ०५ सेकेण्डमा दौड पूरा गर्दै टोकियो आलम्पिकको लागि छनौट भएका थिए ।

केन्याली खेलकुद मन्त्रालयले भने ओलम्पिक आयोजक कमिटीसँग पुनः एकपटक मार्कको ड्रग टेष्ट गर्न अपिल गरेको छ ।

केन्याली ओलम्पिक कमिटीले भने जुन २८ मा गरिएको मार्कको पहिलो टेष्टको नतिजामा उनको युरिनमा ड्रग रहेको नतिजा आएको हो ।