बुधबार, साउन १३ २०७८
ताजा अपडेट

युरोका सर्वोत्कृष्ट खेलाडी पिएसजीमा आबद्ध


  • KTM Khabar
  • बिहिबार, असार ३१ २०७८
1.1K
SHARES

फाइल तस्विर

इटालियन गोलकिपर गियानलुईगी डोनारुम्मा फ्रेन्च क्लब पेरिस सेन्ट जर्माइन (पिएसजी) मा आबद्ध भएका छन् । एसी मिलानसँगको सम्झौता सकिएपछि उनी पिएसजीमा आबद्ध भएका हुन् ।

डोनीरुम्मा युरोकपमा सर्वोत्कृष्ट खेलाडी घोषित भएका थिए । फाइनलमा उनले दुईवटा पेनाल्टी रोक्दै इटलीलाई १९६८ पछि पहिलो युरोकप जिताए । पिएसजीले यसअघि नै जर्जिनियो विज्नाल्डुम, अकराफ हाकिमी र सर्जियो रामोसलाई टोलीमा आबद्ध गरिसकेको छ । युरोपेली च्याम्पियन्स लिग फुटबल जित्नेगरी पिएसजीले तयारी गरेको हो । त्यहीकारण उसले सबै पोजिसनमा उत्कृष्ट खेलाडीहरु तयार गरेको छ ।

डोनारुम्माले पिएसजीसँग पाँच वर्षे सम्झौता गरेका छन् । उनको आगमनसँगै पिएसजीका गोलकिपर किलर नाभास समस्यामा परेका छन् । कोस्टारिकाका यी गोलकिपर निर्विवाद रुपमा पिएसजीको पहिलो रोजाईका गोलकिपर थिए । तर, अब २२ वर्षीय डोनारुम्माले उनलाई दोस्रो रोजाइमा विस्थापित गर्नेछन् ।


खुशी मिडिया प्रा.ली. द्धारा सञ्चालित KTMKHABAR लाई नेपाली र अंग्रेजी संस्करणबाट पढ्न, हेर्न र सुन्न सक्नुहुनेछ । एप्सबाट सिधा समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुक, युटुब र ट्वीटरमा पनि हामिसंग जोडिन सक्नुहुनेछ ।


प्रतिक्रिया
सम्बन्धित समाचार

यो साता चर्चामा