बुधबार, साउन १३ २०७८
ताजा अपडेट

सलमानसहित आठविरुद्ध प्रहरीमा उजुरी


  • KTM Khabar
  • बिहिबार, असार २४ २०७८
2K
SHARES

फाइल तस्बिर

बलिउड अभिनेता सलमान खान, उनकी बहिनी अलवीरा खान र उनको कम्पनी बिइङ ह्युमनसहित आठविरुद्ध चण्डीगढका एक व्यापारीले उजुरी दिएका छन् ।

ती व्यापारीले बिइङ ह्युमनको शोरुम खोलेपछि कम्पनीले दिल्लीबाट सामान नपठाएको र कम्पनीको साइट पनि बन्द गरेको उल्लेख गरेका छन् ।
प्रहरी अधिकारीले सलमान, अलवीराका अलावा कम्पनीका सिइओ प्रसाद कपारे र अन्य अधिकारीहरु सन्तोष श्रीवास्तव, सन्ध्या, अनूप, सञ्जय रंगा, मानव र आलोकलाई पत्र पठाएका छन् ।

उजुरीकर्ता व्यापारी अरुण गुप्ताले सलमानको भनाई अनुसार आफूले मनीमाजराको एनएसी एरियामा करिब ३ करोडको लागतमा बिइङ ह्युमन ज्वेलरी सोरुम सुरु गरेको उल्लेख गरेका छन् । उनले शोरुम सुरु गर्नका लागि स्टाइल क्विन्टेट ज्वेलरीसँग सम्झौता गरे पनि शोरुम खुलेपछि कसैले सहयोग नगरेको उल्लेख गरेका छन् ।

बिइङ ह्युमनको जुन ज्वेलरी स्टोर अरुणलाई दिने भनिएको थियो, त्यो अहिले बन्द छ । जसकारण उनले सामान पनि पाएका छैनन् ।

व्यापारीको उजुरी परेपछि प्रहरीले सबैलाई १० दिनभित्र जवाफ दिन भनेको छ । अरुणका अनुसार सलमानले उनलाई ‘बिग बोस’को सेटमा बोलाएर कम्पनी खोल्नका लागि आफूले सहयोग गर्ने आश्वासन दिएका थिए । अरुणले सलमानले शोरुमको उद्घाटन गरिदिने बताएको समेत दाबी गरे ।


खुशी मिडिया प्रा.ली. द्धारा सञ्चालित KTMKHABAR लाई नेपाली र अंग्रेजी संस्करणबाट पढ्न, हेर्न र सुन्न सक्नुहुनेछ । एप्सबाट सिधा समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुक, युटुब र ट्वीटरमा पनि हामिसंग जोडिन सक्नुहुनेछ ।


प्रतिक्रिया
सम्बन्धित समाचार

यो साता चर्चामा