‘फ्रेण्डसिप’मा क्रिकेटर हरभजन ‘हिरो’

भारतीय क्रिकेटर हरभजन सिंहको जन्मदिनको अवसर पारेर टफेनड स्टूडियोले ‘फ्रेण्डसिप’ नामक फिल्मको घोषणा गर्दै उनको फिल्मको डेब्यू घोषणा गरेको छ । फिल्ममा अर्जुन र लोसलियाको पनि प्रमुख भूमिकामा अभिनय रहनेछ ।

निर्माताहरुले सिंह र उनका साथीका साथ ‘रापचिक’ अवतारको एक पोस्टरसँगै लिरिकल भिडियो पनि सार्वजनिक गरेका छन् । हरभजनले यसअघि स–सानो भूमिका र अतिथि भूमिकामा फिल्ममा अभिनय गरिसकेका छन् । तर पूर्ण रुपमा ‘हिरो’को रुपमा भने यो नै उनको पहिलो हो ।

हरभजन विशेष गरी पञ्जाबमा लोकप्रिय छन् । सन् २०१८ मा चेन्नई सुपर किंग्स आइपीएल टिममा उनको प्रदर्शनका कारण उनी भारतमै लोकप्रिय बने । उनले अभिनय गर्ने लागेको यो फिल्मले दोस्ती, एक्शन, खेल र भावनालाई समेटेर सामाजिक विषयवस्तु देखाउनेछ ।

यसै वर्ष रिलिज हुने यो फिल्म हिन्दी, तेलुगु र तमिल भाषामा रिलिज हुनेछ । फिल्ममा जोन पल राज र शाम सूर्याको निर्देशन हुनेछ । फिल्ममा किरण रेड्डी मण्डाडी निर्माता र राम मद्दुकुरी सहनिर्माता छन् ।