बुधबार, साउन १३ २०७८
ताजा अपडेट

लागुऔषध मामलामा अभिनेत्री हिनासहित २२ जना पक्राउ


  • KTM Khabar
  • सोमबार, असार १४ २०७८
3.2K
SHARES

फाइल तस्विर

महाराष्ट्र प्रहरीले एक पाटीमा छापामारी २२ व्यक्तिलाई पक्राउ गरेको छ । यी २२ व्यक्तिमा मराठी फिल्मकी अभिनेत्री हिना पाञ्चालसहित केही कलाकार र कोरियोग्राफर छन् । उनीहरुलाई अहिले हिरासतमा राखिएको छ ।

प्रहरीको टोलीले पार्टीबाट लागुऔषध र केही रुपैंयाँ बरामद गरेको छ । उनीहरुको हाल मेडिकल जाँच भइरहेको छ । पक्राउ परेकी अभिनेत्री हिनाले हिन्दी र मराठी फिल्ममा अभिनय गरेकी छन् ।

उनी आइटम गीत ‘बलम बम्बई’ र ‘बेवडा बेवडा जालो मी टाइट’का लागि लोकप्रिय छिन् । यसबाहेक उनले सन् २०१९ मा ‘बिग बोस मराठी’मा पनि सहभागिता जनाएकी थिइन् । सन् २०२० फेब्रुअरीमा उनी डेटिङ रियालिटी टेलिभिजन सिरिज ‘मुझसे शादी करोगे’को प्रतिष्पर्धी पनि थिइन् ।

बलिउड र लागुऔषधको पुरानो नाता छ । पछिल्लो केही वर्ष यता लागुऔषध मामलामा सेलिब्रेटीहरु जोडिएपछि प्रहरीले सबै स्टारहरुमाथि निगरानी गरिरहेका छन् । केही दिन अघि प्रहरीको एक टोलीले अभिनेत्री नायरा नेहल शाहलाई पक्राउ गरेको थियो ।

अभिनेता सुशान्त सिंह राजपुतको निधन पछि लागुऔषधको मामला चर्चाको विषय बनेको छ । एनसीबीले यसको अनुसन्धान गरेको थियो । सुशान्तको निधनमा लागुऔषध मामला जोडिएपछि एनसीबी र प्रहरीले लगातार अनुसन्धान गरिरहेको छ ।


खुशी मिडिया प्रा.ली. द्धारा सञ्चालित KTMKHABAR लाई नेपाली र अंग्रेजी संस्करणबाट पढ्न, हेर्न र सुन्न सक्नुहुनेछ । एप्सबाट सिधा समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुक, युटुब र ट्वीटरमा पनि हामिसंग जोडिन सक्नुहुनेछ ।


प्रतिक्रिया
सम्बन्धित समाचार

यो साता चर्चामा