कोरोनाबिरुद्धको अभियानमा सन्दिपले गरे ३ लाख सहयोग

नेपाका स्टार लेग स्पिनर सन्दीप लामिछानेले कोरोना महामारीविरुद्ध लडाईमा आर्थिक सहयोग गरेका छन् ।

उनले यस महामारीविरुद्ध लड्न ३ लाख सहयोग गरेका छन् ।

सन्दीपले सोमबार ट्विट गर्दै कोरोनाविरुद्ध लड्न ’टिम सन्दिप लामिछाने’ अभियानको घोषणा गरेको जनाएका हुन् । उनले वर्षपनि कोरोना राहत कोषमा १ लाख सहयोग गरेका थिए ।

सन्दीपले आर्थिक सहयोग संकलनका लागि बैंक खाता समेत खोलेका छन् । सन्दीपले अभियानको शुरुवात गर्दै खातामा ३ लाख जम्मा गरेको समेत जनाएका छन् ।
उक्त अभियानबाट उठेको रकम स्थानीय निकाय, प्रशासन कार्यालयको रोहवरमा अति प्रभावित क्षेत्र, स्थानीय निकायमा आवश्यकता तथा प्राथमिकताको आधारमा वितरण गरिने जनाएको छ ।