म्यानचेस्टर सिटी च्याम्पियन्स लिगको सेमिफाइनलमा

इंग्लिस क्लब म्यानचेस्टर सिटी च्याम्पियन्सन लिग फुटबलको सेमिफाइनलमा प्रवेश गरेको छ । जर्मन क्लब बोरुसिया डर्टमुण्डलाई समग्रमा ४–२ ले पराजित गर्दै सिटी अन्तिम चारमा पुगेको हो ।

क्वाटरफाइनलको दोस्रो लेग अन्तर्गत बुधबार राति भएको खेलमा म्यानचेस्टर सिटी २–१ ले विजयी भयो ।घरेलु मैदानमा भएको पहिलो लेगमा उसले डर्टमुण्डलाई २–१ ले नै पराजित गरेको थियो ।

बुधबार रातिको खेलमा १५औँ मिनेटमा बेलिन्घमको गोलबाट डर्टमुण्डले अग्रता लियो ।तर, ५५औँ मिनेटमा पाएको पेनाल्टीमा रियाद महरेजले सिटीका लागि बराबरी गोल गरे ।

७५औँ मिनेटमा जेम्स फोडिनले गोल गरेपछि सिटी २–१ ले विजयी भयो ।अब सिटीले सेमिफाइनलमा पेरिस सेन्ट जर्मेन (पीएसजी)सँग प्रतिस्पर्धा गर्नेछ ।