काँग्रेस चितवन सभापतिको ठाडो चेतावनी- प्रचण्डले चितवन कांग्रेसलाई दिएको धोकाको मुल्य चुकाउनै पर्छ

नेपाली काँग्रेस चितवनका सभापति जीतनारायण श्रेष्ठले माओवादी अध्यक्ष प्रचण्डले काँग्रेसलाई दिएको धोकाको मूल्य चुकाउनु पर्ने ठाडो चेतावनी दिएका छन् ।

नारायणगढमा आयोजित शुभकामना आदानप्रदान कार्यक्रममा बोल्दै उनले सो कुरा बताएका हुन ।

उनले भनेका छन् चितवनमा अब रुखमा बाहेक नेपाली काँग्रेसले भोट अन्त कतै हाल्दैन । स्थानीय चुनावमा रेनु दाहाललाई जिताएको हो । तर अब आगामी दिनमा चितवन काँग्रेसले कुनै चुनाव चिन्हमा मतदान नगरेर रुखमा मात्र मतदान गर्ने जीतनारायणको दाबी थियो ।

उनले पटक पटक प्रचण्डले दिएको धोकाको मूल्य चुकाउनु पर्ने बताएका थिए ।

१० वर्षसम्म कांग्रेससँग गठबन्धन हुन्छ भन्दै रेणुका लागि भोट मागे, पार्टीको केन्द्रीय निर्देशन मान्यौं, रेणुले चुनाव जितेलगत्तै काठमाडौं पुगेर ओलीसँग हात मिलाए, चितवन काँग्रेस अब झुक्किँदैन, म फेरि भन्छु, चितवन काँग्रेसले रुखमा बाहेक अन्यत्र भोट हाल्दैन,’ सभापति श्रेष्ठले भने।