ह्वात्तै घट्यो सुनको मुल्य

२३ असार, काठमाडौं ।

सुनको मूल्यमा ओरालो लाग्ने क्रम रोकिएको छैन । बुधबारदेखि सुनको मुल्यमा गिरावट आएको थियो । आज (बिहिबार) पनि सुनको मुल्यमा उच्च गिरावट देखिएको छ ।

नेपाल सुन चाँदी व्यवसायी महासंघले जनाए अनुसार आज सुनको मूल्य तोलामा १४ सय रुपयाँले गिरावट आएको छ ।

आज छापावाल सुनको मूल्य ९४ हजार ६ सय रुपैयाँ, तेजावी सुनको मूल्य ९४ हजार एक सय र चाँदीको मूल्य ११ सय ८५ रुपैयाँ तोकिएको छ ।

बुधबार सुनको मूल्य तोलामा १६ सय रुपैयाँले घटेको थियो । आज चाँदीको मूल्य भने तोलामा १० रुपैयाँले बढेको महासंघले जनाएको छ ।

बुधबार ९६ हजार रुपैयाँमा छापावल र ९५ हजार ५ सय रुपैयाँमा तेजावी सुनको खरिद बिक्री भएको थियो ।