पोखरा महानगर समाजवादीलाई दिने निर्णयको विरुद्धमा कास्की काङ्ग्रेस पार्टी कार्यालयमा ताला !

पोखराको मेयर एकीकृत समाजवादीको भागमा परेपछि कास्की पार्टी कार्यालयमा काङ्ग्रेस महानगर समितिले ताला लगाएको छ ।

मंगलबार काङ्ग्रेस सभापति शेरबहादुर देउवाले काङ्ग्रेस गण्डकी सभापति शक्रराज शर्मा, कास्की सभापति किशोरदत्त बराल र नेता यज्ञबहादुर थापालाई बोलाएर आफू समस्यामा रहेकोले पोखरा समाजवादीलाई दिनुपर्ने बताएका थिए ।

उक्त निर्णयले परिणाम उल्टो आउन सक्ने बारेमा नेतात्रयले जानकारी गराएतापनी केन्द्रले पोखरा नेकपा एकीकृत समाजवादीलाई नै दिने निर्णय गर्‍यो ।

सोही निर्णयको विरुद्धमा महानगर समितिले पार्टी कार्यालयमा तालाबन्दी गरेको हो ।  पोखरा महानगर कांग्रेसलेनै पाउनु पर्ने बताउँदै आएका नेताहरूले ताल लगाएको बुझिएको छ। । गठबन्धनको बैठकले पोखरा महानगर समाजवादी लाई दिने निर्णय गरी सकेको अवस्था छ ।

आगामी स्थानीय चुनाव गठबन्धन सहित भग लिने बताउँदै काँग्रेस सभापति देउवाले स्थानीय निकायहरूको भागबन्डा गरेका छन् । भागबन्डामा पोखरा महानगर माधव कुमार नेतृत्वको समाजवादी दललाई पर्न गएको हो ।