रामेछाप । एमालेका केन्द्रीय सदस्य माधव ढुंगेलमाथि आफ्नै पार्टीकी नेतृ लक्ष्मी न्यौपानेले कुटपिट गरेकी छिन् । केन्द्रीय सम्पर्क कमिटीको बैठकमा स्थानीय निर्वाचनको टिकटको विषयमा विवाद हुँदा ढुंगेललाई एमाले कार्यकर्ताले आक्रमण गरेको प्रत्यक्षदर्शीले बताएका छन् ।

रामेछापको खाँडादेवी गाउँपलिकाको अध्यक्ष र उपाध्यक्षको टिकटका विषयमा छलफलको क्रममा ढुंगेलमाथि हातपात भएको थियो । ढुंगेलले पनि आफूमाथि हातपात भएको बताएका छन् ।

एमालेको केन्द्रीय सम्पर्क समिति सदस्य लक्ष्मी न्यौपानेले ढुंगेललाई हातपात गरेकी हुन् ।

न्यौपानेले आक्रमण गरेपछि रोक्न खोज्दा ढुंगेलकी पत्नी सरिता दाहाल पनि घाइते भएकी छिन् ।

याे पनि पढ्नुहाेस्:

विमानस्थलबाट समातिए अचम्मका व्यक्ति !

त्रिभुवन अन्तर्राष्ट्रिय विमानस्थलबाट एक व्यक्ति पक्राउ परेका छन्। अवैध सुन, मोबाइल र ल्यापटपसहित पक्राउ परेका हुन् ।

पक्राउ पर्नेमा कैलालीको कैलारी गाउँपालिका–८ का भागदेव कठरिया रहेका छन्।

जजिरा एयरको उडानद्वारा दुबईबाट कुवेत हुँदै काठमाडौं आगमन भएका कठरियाको गतिविधि संकास्पद देखिएपछि प्रहरीले विमानस्थलको आगमन टनेल गेटबाट नियन्त्रणमा लिइ चेकजाँच गरेको थियो।

लुकाई छिपाई भन्सार छली गरी लैजान लागेको अवस्था उनलाई समातिएकाे जनाईएकाे छ । उनको साथबाट ४० ग्राम सुन, तीन थान आइफोन र एक थान ल्यापटप फेला परेको प्रहरीले जनाएको छ। जसको मूल्य अनुमानित १० लाख चार हजार ८ सय रुपैयाँ रहेको छ।

उनलाई आवश्यक अनुसन्धान एवम् कारबाहीको लागि त्रिभुवन विमानस्थल भन्सार कार्यालय, गौचरमा बुझाइएको छ।