बुधबार, जेष्ठ ११ २०७९
ताजा अपडेट

नेप्सेमा ३० अंकको सुधार, तर कारोबार घट्यो


  • KTM Khabar
  • बुधबार, चैत्र ३० २०७८
1.6K
SHARES

फाइल तस्विर

साताको चौथो दिन अर्थात् बुधबार नेप्सेमा ३० अंकको सुधार आएको छ । ३०.२४ अंकले बढ्दै आज नेप्से सूचक २४ सय १५.२४ अंकमा उक्लिएको हो । अघिल्लो दिन यस्तो सूचक ३४ अंक माथिले घटेको थियो । तर, आज नेप्सेमा ३० अंक माथिको सुधार आउँदा समेत कारोबार भने खासै हुन सकेन ।

नेपाल स्टक एक्सचेन्जका अनुसार यसदिन पनि जम्मा १ अर्ब ४७ करोड ६३ लाख रुपैयाँ बराबरको मात्र सेयर कारोबार भएको छ । अघिल्लो दिन ३४.७८ अंकले घटेको बजारमा एक अर्ब ५२ करोड रुपैयाँ बराबरको कारोबार भएको थियो ।

आज माइक्रोफाइनान्स समूहको उपसूचक अधिकतम २.१४ प्रतिशतले बढेको बजारमा सबै उपसूचकहरु धनात्मक (पोजेटिभ) भएका छन् । यस दिन अन्य समूहको उपसूचक २.२८ प्रतिशतले बढेको छ भने होटल तथा पर्यटन समूहको १.५८ प्रतिशतले र विकास बैंक समूहको १.५३ प्रतिशतले बढेको छ ।

यस्तै, बैंकिङ समूहको १.११ प्रतिशतले, निर्जीवन बीमा समूह १.१७ प्रतिशतले, म्यानु एण्ड प्रो १.१२ प्रतिशतले जीवन बीमा समूहको उपसूचक ०.७३ प्रतिशतले बढेको छ ।  यसदिन सबैभन्दा बढी नेष्ठो लघुवित्तका सेयरधनीले १० प्रतिशतले कमाएका छन् भने गुमाउनेमा युनाइटेड आईडीआई मर्दी आरबी हाइड्रोपावर कम्पनी रहेको छ । कम्पनीले आज २.०८ प्रतिशतले गुमाएको छ ।


खुशी मिडिया प्रा.ली. द्धारा सञ्चालित KTMKHABAR लाई नेपाली र अंग्रेजी संस्करणबाट पढ्न, हेर्न र सुन्न सक्नुहुनेछ । एप्सबाट सिधा समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुक, युटुब र ट्वीटरमा पनि हामिसंग जोडिन सक्नुहुनेछ ।


प्रतिक्रिया
सम्बन्धित समाचार

यो साता चर्चामा