सुनको मूल्य तोलामा ८ सय रुपैयाँले बढ्यो

नेपाली बजारमा सुनको मूल्य प्रतितोलामा ८ रुपैयाँले बढेको छ। सोमबार तोलामा दुई सय रुपैयाँले घटेर प्रतितोला १ लाख १ सयमा कारोबार भएको सुन मंगलबार ८ सय रुपैयाँले बढेर १ लाख ९ सय रुपैयाँ पुगेको हो।

नेपाल सुन चाँदी व्यवसायी महासंघका अनुसार आज छापालवाल सुन प्रतितोला ८ सय रुपैयाँले बढेर १ लाख ९ सय रुपैयाँ कायम गरिएको हो।  यस्तै आज तेजावी सुनको मूल्य १ लाख ४०० कायम गरिएको छ। यसअघि, सोमबार सुन तोलाको एक लाख एक सय रुपैयाँमा कारोबार भएको थियो ।

यसअघि सोमबार छापावाल सुन प्रतितोला १ लाख १ सय र तेजावी सुन ९९ हजार ६०० रुपैयाँमा कारोबार भएको थियो। आज सुनको मुल्य बढेसँगै चाँदी मूल्यमा पनि वृद्धि भएको छ। महासंघका अनुसार चाँदी प्रतितोला १३८० रुपैयाँ कायम गरिएको छ। सोमबार चाँदी तोलाको १३ सय ६५ रुपैयाँमा कारोबार भएको थियो।