एकैदिन तोलामा ३५ सय रुपैयाँले घट्यो सुनको मूल्य

सुनको मूल्य एकै दिन तोलामा तीन हजार पाँच सय रुपैयाँले घटेको छ । आज छापावल सुनको मूल्य एक लाख २ हजार रुपैयाँ तोकिएको छ ।

बुधबार हालसम्मकै उच्च विन्दु प्रतितोला एक लाख ५ हजार पाँच सय रुपैयाँमा सुनको कारोबार भएको थियो ।

यस्तै तेजावी सुन र चाँदीको मूल्य आज तोलामा क्रमशः एक लाख एक हजार पाँच सय र १४ सय पाँच रुपैयाँ कायम भएको नेपाल सुन चाँदी व्यवसायी महासंघले जनाएको छ ।

बुधबार प्रतितोला तेजावी सुन एक लाख ५ हजार रुपैयाँ र चाँदी १४ सय ५० रुपैयाँमा कारोबार भएको थियो ।

याे पनि हेर्नुहाेस्:

शिक्षक सेवा आयोगको परीक्षाबारे सार्वजनिक भयो अर्को महत्वपूर्ण सूचना (सूचनासहित हेर्नुस्)

काठमाडौं– शिक्षक सेवा आयोगले माध्यमिक, निम्न माध्यमिक, प्राथमिक तह तृतीय श्रेणी खुला तर्फको (सामान्य) तथा आन्तरिक प्रतियोगितात्मक बढुवा (२५प्रतिशत) परीक्षामा सोधिने वस्तुगत बहुवैकल्पिक प्रश्नहरूको उत्तर (OMR Sheet) ओएमआर सीटमा कालो मसी भएको कलमले लेख्दा–मसी भर्दा ध्यान दिन अनुरोध गरेको छ ।

आयोगले आइतबार सूचना जारी गर्दै सोबारे ध्यान दिन अनुरोध गरेको हो ।

साथै परीक्षा सञ्चालन व्यवस्थापनमा सहजीकरण गर्ने शिक्षा विकास निर्देशनालय तथा शिक्षा विकास तथा समन्वय इकाइहरूलाई सोहीअनुसार सहजीकरण गरिदिन आयोगले अनुरोध पनि गरेको छ ।