हामी एमसिसीको पक्षमा छौँ : महन्थ ठाकुर

लोकतान्त्रिक समाजवादी पार्टीले एमसिसीको पक्षमा आफूहरू रहेको बताएको छ।

आज एमसिसीबारे प्रतिनिधि सभामा सैद्धान्तिक छलफलमा भाग लिँदै लोसपा अध्यक्ष महन्थ ठाकुरले आफूहरू एमसिसीको पक्षमा रहेको बताएका छन्। एमसिसीमा अमेरिकाको लक्ष्य सकारात्मक छ, त्यसैकारण हाम्रो पार्टी समर्थन गरिरहेको छ,’ उनले भने।

उनले नेपालको मागअनुसार नै एमसिसी आएको पनि बताए। ‘नेपालले आफ्नो आवश्यकता र मागअनुसार नै यो पाएको छ,’ उनले भने, ‘जवरजस्ती लादीएको होइन।

देश कमजोर र गरिब भएपछि उसको स्वतन्त्रतामाथि आघात पुग्ने सम्भावना हुन्छ।’सदनमा टेबल भएको एमसीसी आज छलफल भइरहेको छ । विभिन्न दलका नेताहरू एमसीसीको विषयमा छलफल  तथा आफ्ना भनाइहरू राखिरहेका छन् ।