देउवा र पौडेल कांग्रेसबाट ‘रिटायर्ड’ हुनुपर्छ : प्रकाशमान सिंह

कांग्रेस पूर्वमहामन्त्री प्रकाशमान सिंहले सभापति शेरबहादुर देउवा र वरिष्ठ नेता रामचन्द्र पौडेललाई पार्टीबाट ‘रिटायर्ड’ हुन आग्रह गरेका छन् । धादिङ जिल्लामा भएको एक कार्यक्रममा बोल्दै सिंहले कांग्रेसको १४ औँ महाधिवेशनमा आफू सभापति पदको उम्मेदवार आफु भएको बताउदै पार्टीलाई नीति र विधिअनुसार सञ्चालन गर्नका लागि आफू नै योग्य भएको जिकिर गरेका थिए ।

वर्तमान नेतृत्वले पार्टीलाई सही दिशामा लान नसकेको आरोप लगाउँदै उनले आफू सङ्गठन सुदृढीकरण र शुद्धीकरण अभियान सञ्चालन गर्दै हिँडेको बताए।

अझै दुई जिल्लाको सदस्यता विवाद भएकाले सो समाधान गरेर अब तोकिएकै समयमा महाधिवेशन गर्नै पर्नेमा उनले जोड दिए ।
फरक प्रसंगमा नेता सिंहले गणेशमानको परिवारले त्यग मात्र गर्नु पर्ने जस्तो ब्यबहार नेताहरुले गरेको बताउदै । यो माहाधिवेशनमा आफु सभापति लड्ने समेत बताए ।