बुधबार, साउन १३ २०७८
ताजा अपडेट

तीन कम्पनीलाई ७६ लाख २३ हजार कित्ता आईपीओ निष्काशन बोर्डको अनुमति


  • KTM Khabar
  • सोमबार, साउन ४ २०७८
1K
SHARES

फाइल तस्विर

सानिमा लाइफ इन्स्योरेन्स, मानुषी लघुवित्त र सामलिङ्ग पावर कम्पनीले सर्वसाधारणको लागि प्राथमिक शेयर (आईपीओ) गर्न नेपाल धितोपत्र बोर्डबाट अनुमति पाएको छ ।

बोर्डले सानिमा लाइफलाई ६० करोड रुपैयाँ बराबरको ६० लाख कित्ता, मानुषी लघुवित्तलाई ३ करोड ९३ लाख ७५ हजार रुपैयाँ बराबरको ३ लाख ९३ हजार ७५० कित्ता र सामलिङ्ग पावर कम्पनीले पनि १२ करोड ३० लाख रुपैयाँ बराबरको १२ लाख ३० हजार कित्ता शेयर बिक्री गर्न अनुमति दिएको हो ।

सानिमा लाइफले प्रतिकित्ता १०० रुपैयाँका दरले ६० लाख कित्ता अर्थात ६० करोड रुपैयाँ बराबरको आईपीओ निष्काशनपछि चुक्ता पूँजी २ अर्ब रुपैयाँ पुग्नेछ ।

कम्पनीले निष्काशन गर्न लागेको आईपीओलाई केयर रेटिङ नेपालले त्रीपल बी माइनस रेटिङ प्रदान गरेको छ । यसले वित्तीय दायित्व पुरा गर्ने सम्बन्धमा मध्यम सुरक्षित रहेको जनाउछ ।

कम्पनीको शेयर निष्काशन तथा बिक्री प्रबन्धक भने प्रभु क्यापिटल रहेको छ ।

मानुषी लघुवित्त वित्तीय संस्थाले पनि प्रतिकित्ता १०० रुपैयाँ दरमा ३ करोड ९३ लाख ७५ हजार रूपैयाँ बराबरको ३ लाख ९३ हजार ७ सय ५० कित्ता आईपीओ निष्कासन गर्न बोर्डबाट अनुमति पाएको छ ।

लघुत्तिको शेयर निष्कासन तथा बिक्री प्रबन्धक नेपाल एसबिआई मर्चेण्ट बैंकिङ्ग लिमिटेड रहेको छ ।

यस्तै सामलिङ्ग पावर कम्पनीले पनि १२ करोड ३० लाख रुपैयाँ बराबरको १२ लाख ३० हजार कित्ता शेयर निष्काशन गर्न बोर्डले अनुमति दिएको छ ।

कम्पनीको शेयर निष्काशन तथा बिक्री प्रबन्धकमा नेपाल एसविआई मर्चेन्ट क्यापिटल रहेको छ ।


खुशी मिडिया प्रा.ली. द्धारा सञ्चालित KTMKHABAR लाई नेपाली र अंग्रेजी संस्करणबाट पढ्न, हेर्न र सुन्न सक्नुहुनेछ । एप्सबाट सिधा समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुक, युटुब र ट्वीटरमा पनि हामिसंग जोडिन सक्नुहुनेछ ।


प्रतिक्रिया
सम्बन्धित समाचार

यो साता चर्चामा