‘जिबिएचएस साउथ एशियन कराँते च्याम्पियनसिप’ सोमबारदेखि

काठमाडौँ ।
कपन मार्ग, बासबारीमा रहेको गुह्येश्वरी बोर्डिङ्ग हाई स्कुल (जिबिएचएस) ले सोमबारदेखि ‘जिबिएचएस कप साउथ एशियन गोजु–काई कराँते च्याम्पियनसिप–२०१९’ सुरु गर्ने भएको छ ।

चैत्र १६ गते शनिबार स्कुलको प्रांगणमा पत्रबार सम्मेलनको आयोजना गर्दै उक्त जानकारी गराईएको हो ।

दुई दिनसम्म चल्ने उक्त साउथ एशियन गोजु काई कराँते च्याम्पियनसिपमा दक्षिण एशियाली राष्ट्रहरु नेपाल, भारत, पाकिस्तान, श्रीलंका, बंगलादेश र भुटानको सहभागिता रहने बताइएको छ ।

देशभरिबाट करिब ४ सय भन्दा बढि खेलाडीहरुको सहभागिता रहनेछ भने १०० भन्दा बढी बिदेशी खेलाडीको सहभागिता हुनेछ ।

नेपालको नाम विश्वमा चिनाउने उद्देश्य सहित उक्त ‘जिबिएचएस कप साउथ एशियन गोजु काई कराँते च्याम्पियनसिप–२०१९’ सुरु गर्न लागेको गुह्येश्वरीका डाइरेक्टर डिआर लामिछानेले बताउनु भयो ।

विभिन्न ४० विधामा हुने उक्त प्रतियोगितामा पुरुषतर्फ २४ र महिलातर्फ १६ विधामा प्रतियोगिता गरिने कार्यक्रम संयोजक सानु बाबु गिरिले बताउनु भयो । चैत्र १८ गते उद्घाट कार्यक्रमका विच प्रतियोगितालाई सुरु गरिने र १९ गते समापन गरिने संयोजक गिरि बताउनुहुन्छ ।
विजयी खेलाडीहरुलाई ट्रफी, मेडल र प्रमाण–पत्र प्रदान गरिनेछ ।