नेपालमा कोरोना अपडेटः संक्रमित ९, आइसोलेसनमा ६९ जना

काठमाडौं, चैत २३ ।
नेपालमा कोरोना संक्रमितको संख्या हालसम्म ९ पुगेको छ ।

शनिबार ३ जना थपिएसंगै संक्रमितको संख्या ९ पुगेको हो । स्वास्थ्य तथा जनसंख्या मन्त्रालयले अहिलेसम्म एक हजार ५ सय २१ जना परीक्षण गरिएको र त्यसमध्ये ९ जनामा संक्रमण देखिएको जनाएको छ ।

एक जनालाई निको भएको छ । ६९ जना आइसोलेसनमा रहेका छन् । विदेशबाट आएका एक व्यक्तिबाट आफन्तलाई कोरोना भाइरसको संक्रमण पाइएसँगै संक्रमण दोस्रो चरणमा प्रवेश गरेको छ ।

कोरोना संक्रमित तीन जनाको राष्ट्रिय जनस्वास्थ्य प्रयोगशालामा, तीन जनाको सेती प्रादेशिक अस्पताल धनगढीमा र दुई जनाको बाग्लुङ र भइरहेको छ । आठै जना संक्रमितको स्वास्थ्य अवस्था सामान्य रहेको छ ।