सरकारलाई देउवाको प्रश्नः आफ्नो देश आउन पनि नारा जुलुस गर्नुपर्ने ?

काठमाडौँ ।
नेपाली कांग्रेसका सभापति शेरबहादुर देउवाले आफ्नो देशमा आउनसमेत नारा जुलुस गर्नु परेको अवस्थाप्रति सरकारको जवाफ मागेका छन्। भारतबाट नेपाल फर्कन लागेका सैयौं नेपाली सीमामा रोकिएर नाराबाजी गरेपछि उनले सरकारको ध्यानाकर्षण गराएका हुन्।

दार्चुलासँग सीमा जोडिएको धार्चुलामा भारतबाट आएका नेपालीले आफ्नै देशमा प्रवेश नपाएपछि नाराबाजीमा उत्रेका छन्। देउवाको सरकारलाई प्रश्न छ, आफ्नो देशमा आउन पनि नारा जुलुस गर्नुपर्ने यो के हो ?

देउवाले दार्चुला सदरमुकामपारि भारतको धार्चुलामा रहेका नेपाल आउन नपाएकाहरुलाई नेपाल फर्काउन आग्रह गरेका छन्। उनले ट्विट लेख्दै नेपालीहरुलाई आवश्यक प्रक्रिया पूरा गरेर तत्काल नेपाल आउने वातावरण बनाउन आग्रह गरेका छन्।

आफ्नो देशमा आउन पनि नारा जुलुश गर्नुपर्ने यो के हो? दार्चुला सदरमुकाम पारी भारतको धार्चुलामा रहेका सयौ नेपालीहरुलाई आवस्यक प्रक्रिया पुरा गरेर तत्काल नेपाल आउने वातावरण बनाउन म सरकारसँग जोडदार माग गर्दछु। https://t.co/YmcFVRzSPR

— Sher Bahadur Deuba (@DeubaSherbdr) March 30, 2020