गायिका कनिका कपूरलाई कोरोनाको पोजेटिभ रिपोर्ट आएकोमा शंका

बलिउड गायिका कनिका कपूर यतिबेला आफ्नो गायनको कारणभन्दा कोरोना भाइरसको रिपोर्ट पोजेटिभ देखिएपछि चर्चामा छिन् ।

भारतीय यी गायिका कोरोना संक्रमित भए पनि पार्टीमा सहभागी भएकी थिइन् । साथै उनले शपिङ पनि गरेकी थिइन् ।

उनले अरूलाई पनि कोरोना सारेको आशंका पनि गरिएको छ ।

कनिकाले भने जाँच रिपोर्टमा शंका भएको बताएकी छिन् । उनले मेडिकल रिपोर्टमा गडबडी भएको हुनसक्ने बताएकी छिन् ।

कनिकाको परिवारको पनि स्याम्पल लिइयो । उनको दोस्रो स्याम्पल पनि जाँचका लागि लिइएको छ ।

कनिकाको परिवारका कुनै सदस्यको रिपोर्ट आएको छैन । रिपोर्ट आएका सदस्यको रिपोर्ट नेगेटिभ आएको छ ।

कनिका ९ मार्चमा लण्डनबाट मुम्बई आएकी थिइन् । उनले ११ मार्चमा लखनउ र १३ मार्चमा कानपुर गएकी थिइन् । यस दौरान उनले ४ सय जनासँग भेट गरेकी थिइन् ।