प्रदेश नं. २ को नाम र राजधानी टुंगो लगाउन मतदान हुँदै

प्रदेश नं. २ को नाम र राजधानी टुंगो लगाउन मंगलबार (आज) मतदान हुँदैछ।

प्रदेशको नाम र राजधानी तोक्न गठन भएको विशेष संसदीय समितिको सुझावअनुसार आज गोप्य मतदान हुने भएको हो।

सत्तारुढ नेपाल कम्युनिष्ट पार्टी (नेकपा)ले नाम जानकी र राजधानी जनकपुर भनी अडान राखेको छ। यस्तै प्रतिपक्ष नेपाली कांग्रेसले नाम मिथिला भोजपुरा र राजधानी जनकपुरको प्रस्ताव दर्ता गराएको छ।

मतदानको प्रक्रियामा प्रदेशको नाम र राजधानी पारितका लागि दुई तिहाइ मत आवश्यक पर्छ। प्रदेश सभामा सत्तापक्ष समाजवादीको ३०, राजपाको २५ सांसद गरी ५५ जना छन्।

दुई तिहाइका लागि सत्ता पक्षलाई थप १७ जना सांसद आवश्यक पर्छ। नेकपाको ३२, कांग्रेसको १९ र नेपाल संघीय समाजवादी पार्टीको १ सांसद छन् ।