तुम्बाहाङ्फेले उपसभामुखबाट राजीनामा दिइन्

प्रतिनिधिसभाकी उपसभामुख शिवमाया तुम्बाहाङ्फेले आफ्नो पदबाट राजीनामा दिएकी छिन् । उनले सोमबार बसेको पहिलो संसद बैठकमा पदबाट आफूले राजीनामा दिएकी हुन् । सभामुख चयन प्रकृया सहज बनाउनका लागि आफुले पदबाट राजीनामा दिएको उनको भनाइ थियो ।

छोटो समय सम्बोधन गरेकी उपसभामुख तुम्बाहाङ्फेले प्रतिनिधि सभाको सभामुख पद अप्रत्यासित र अश्वभाविक कारणले रिक्त रहेको र सभामुख नहुँदा जटिलता थपिएको बारेमा जानकार रहेको भन्दै संसदको ठूलो दलले सभामुखमा दावा गरेकाले आफुले सहजीकरण गर्न लागेको बताएकी थिइन् ।

आजै साँझ ४ बजेसम्मका लागि संसद् बैठक स्थगीत भएको छ । ४ बजे बस्ने संसद् बैठकले नयाँ सभामुख निर्वाचनको प्रक्रिया सुरुगर्ने छ । त्यसका लागि संसद् सचिवालयले तयारी गरेको छ ।