राष्ट्रिय शिक्षा सम्मानबाट डा. सुमन थपलिया सम्मानित

काठमाडौँ । टेक्सास कलेज अफ म्यानेजमेन्ट एण्ड आईटीका सूचना प्रविधि निर्देशक डा. सुमन थपलिया राष्ट्रिय शिक्षा सम्मान–२०८३ बाट सम्मानित भएका छन् । फोकस नेपालले आयोजना गरेको ‘शिक्षा क्षेत्रका समस्या र समाधानका उपायहरू’ विषयक विचार गोष्ठी तथा राष्ट्रिय शिक्षा सम्मान–२०८३ कार्यक्रमबाट डा. थपलिया सम्मानित भएका हुन् ।

शिक्षा र सूचना प्रविधिको क्षेत्रमा विशिष्ट योगदान पु¥याएबापत उनलाई ताम्रपत्रद्धारा ‘राष्ट्रिय शिक्षा सम्मान–२०८३’ प्रदान गरिएको छ ।

पूर्व मन्त्री तथा प्रतिनिधिसभा सदस्य अर्जुन नरसिंह के.सी.को प्रमुख आतिथ्यमा सम्पन्न उक्त कार्यक्रममा शिक्षा, सूचना प्रविधि तथा विभिन्न क्षेत्रका विशिष्ट व्यक्तित्वहरूको सहभागिता थियो ।

डा. थपलियाले नेपालमा साइबर सुरक्षा शिक्षा, अनुसन्धान, तालिम तथा दक्ष जनशक्ति उत्पादनमा महत्त्वपूर्ण भूमिका निर्वाह गर्दै आएका छन् ।