स्कुस र टाटे सिमीको बढ्यो मूल्य

३१ चैत, काठमाडौं । आज केही सागसब्जीको भाउ बढेको छ ।

कालीमाटी फलफूल तथा तरकारी बजार विकास समितिले निर्धारण गरेको मूल्य सूची अनुसार स्कुस, गाजर, टाटे सिमी, कुरिलो, हरियो खुर्सानी, गोलभेडालगातको भाउ बढेको छ ।

आज स्कुस किलोमै २० रुपैयाँले बढेको छ । शनिबार ३५ रुपैयाँ किलोमा कारोबार भएको स्कुस आज बढेर ५५ पुगेको छ । यो ५७ प्रतिशतले बढेको हो ।

यस्तै, आज टाटे सिमीको मूल्य पनि अत्यधिक बढेको छ । शनिबार किलोको ६५ रुपैयाँ रहेको यो सिमीको मूल्य आज ८५ रुपैयाँ तोकिएको छ ।

हरियो खुर्सानी (माछे) पनि आज धेरै मूल्य बढ्नेमा छ । शनिबार ६५ रुपैयाँ रहेको यो खुर्सानी आज किलोमै ३० रुपैयाँले बढेर ९५ मा कारोबार भएको छ ।

आज कुरिलो किलोको ४३३ बाट बढेर ४६६ रुपैयाँ, गोलभेडा सानो (लोकल) १७ रुपैयाँ ६७ पैसाबाट बढेर २२ रुपैयाँ ६७ पैसा र लोकल गाजार २५ बाट ३५ रुपैयाँ किलोमा कारोबार भएको छ ।