शुक्रबार, असोज ९ २०८३
शुक्रबार, असोज ९ २०८३
काठमाडौँ । बूढानीलकण्ठ नगरपालिका वडा नम्वर २, गणेशचोकमा रहेको गणेश माध्यमिक विद्यालयको प्राङ्गणमा रक्तदान कार्यक्रम एवं निःशूल्क दन्त परिक्षण कार्यक्रम सम्पन्न भएको छ । यही असोज १३ गते शनिबारका दिन लायन्स अन्तर्राष्ट्रिय डिस्ट्रिक्ट ३२५ आई नेपाल अन्तर्गतका क्लबहरु लायन्स क्लब अफ काठमाडौं मिड टाउन र लायन्स क्लब अफ तारकेश्वोर गोल्डेन ड्रिमको संयुक्त आयोजना साथै श्री गणेश मा.वि. २०५४ सेरोफेरो, बुद्ध माई फाउन्डेसन, मेट्रो ब्लड बैंक तथा कामना सेवा विकास बैंकको विशेष सहयोगमा बृहत् रक्तदान तथा निःशुल्क दन्त परिक्षण कार्यक्रम सम्पन्न भएको हो ।
लायन्स अन्तर्राष्ट्रिय डिस्ट्रिक्ट ३२५ आई नेपालका डिस्ट्रिक्ट गभर्नर चन्द्र कुमार के.सी, मल्टिपल डिस्ट्रिक्ट ३२५ का लायन्स क्वेस्ट कोअर्डिनेटर मन बहादुर रोका, सेकेन्ड भाइस डिस्ट्रिक्ट गभर्नर पार्वती खरेल पाण्डे, क्याबिनेट सेक्रेटरी महेश पाण्डे, चिफ एड्भाइजर सुर्य कुमार के.सी. लगाएत थुप्रै लायन लिडरहरुको उपस्थिति रहेको कार्यक्रममा ५३ पिन्ट रगत संकलन हुनुका साथै २०० जना भन्दा बढी व्यक्तिहरुको निःशुल्क दन्त परिक्षण गरिएको थियो ।
© 2026 All right reserved | Site By : SobizTrend
