भारतका प्रसिद्ध ट्रेनर राजेश अग्रवालले शनिवार हायात प्यालेसमा व्यावसायिक तालिम दिने

काठमाडौँ । भारतका प्रसिद्ध ट्रेनर राजेश अग्रवालले नेपालमा व्यावसायिक तालिम दिने भएका छन् । शनिवार सोल्टिमोड स्थित हायात प्यालेस होटेलमा उनले ट्रेनिङ्ग दिने भएका हुन् ।

अग्रवाल भोली हुने ट्रेनिङ्गका लागि आज नै नेपाल आइपुगेका छन् । उनको स्वागतका लागि विभिन्न व्यावासायीहरु समेत विमानस्थल पुगेका थिए । शनिवार बिहान १० बजेदेखि बेलुका ६ बजेसम्म उनले ट्रेनिङ्ग दिने जनाइएको छ । नेपालका लागि मोटिभेसनल स्पिकर सन्तोष लामाले उक्त कार्यक्रमको संयोजन गरेका छन् । उनले जनाए अनुसार विभिन्न व्याबसायमा आबद्ध १५० जनाले अग्रवालले दिने ट्रेनिङ्गमा सहभागी जनाउने छ ।

कार्यक्रमका तयारी लगभग पुरा भइसकेको जनाइएको छ । जसमा बैङ्क तथा वित्तीय संस्था, व्यावसायिक समूहका व्यक्तिहरूले सहभागिता रहने जनाइएको छ ।